Əziz dostlar!
“Baku Energy Forum”un təşkilatçısı “Iteca Caspian” şirkəti adından Sizə öz dərin hörmət və ehtiramımızı bildiririk və İyunun 1-i  və 2 – si baş tutacaq 28-ci Bakı Enerji Forumunda iştiraka dəvət edirik!  

Bu il “Bakı Enerji Forumu” ölkənin ən gözəl məkanların birində - Bakı Konqres Mərkəzində keçirilir və 500-dən çox nümayəndəni qarşılamağa hazırlaşır. Hazırda bir çox ölkələrdən gələcək olan yüksək səviyyəli qonaq və mütəxəssisləri bir araya gətirəcək olan tədbirin proqramı bir sıra yeniliklər ilə seçilir. Belə ki, forumda Azərbaycanın xarici tərəfdaşlar ilə sıx əməkdaşlıq, investorlar ilə yeni ərsəyə gələn və perspektiv olan layıhələrin müzakirələri, ekspertlərin proqnozları, Azərbaycanda enerji resursların inkişafı, yeni yol xəritələrini, neft və qaz hasilatı üçün yeni imkanlar və digər aktual mövzular ətrafında geniş müzakirələr aparılacaq və bununla forumda səmərəli işgüzar əlaqələrin qurulmasına səbəb olacaq. Foruma yeni şirkətlərin qatılması bir daha tədbirin əhəmiyyətini sübut edir.

Bu il  “Bakı Enerji Forum”  tədbirinə dəstək olan tərəfdaş və sponsorlar arasında SOCAR, bp, Equinor, TotalEnergies, Masdar və tədbirin debütantı BMW avtomobilinin Azərbaycanda rəsmi təmsilçisi olan İmproteks Motors şirkətidir.

Biz əminik ki, forumda iştirak edəcək şirkət rəhbərləri, əlaqəli nazirliklərin və beynəlxalq təşkilatların nümayəndələri, yerli və xarici ekspertlər tədbirin əhəmiyyətini daha da artıracaq və enerji sektorunda tərəfdaşlıq əlaqələrinin inkişafına təkan verəcəklər. Fürsətdən istifadə edərək, tədbirə göstərdikləri davamlı dəstək və mühüm töhfəyə görə Azərbaycan Respublikası Energetika Nazirliyi və SOCAR şirkətinə öz minnətdarlığımızı bildiririk.

Bir daha hər kəsi Bakı Enerji Forumunda iştiraka dəvət edirik və işlərinizdə uğurlar arzulayırıq.

Bizimlə birgə olduğunuza görə sizə təşəkkür edirik!

Ən xoş arzularla,

“Bakı Enerji Forumu”
Təşkilat Komitəsi adından