Con Harkins, “Greenfields Petroleum Corporation” şirkətinin prezidenti və Baş icraçı direktoru
– Konfrans çox informativ formatda keçir! Burada Azərbaycan ilə yanaşı, bütün Xəzəryanı regionu təmsil edən sənaye üçün də mühüm subyektlər - əsas kəşfiyyat və hasilat şirkətləri, eləcə də xidmət provayderləri bir araya gəlib. Konfrans böyük auditoriyaya malikdir və mən bunu çox yüksək qiymətləndirirəm.
Biz müxtəlif ərazilərdə, o cümlədən Xəzər dənizində (Bakı yaxınlığında) neft-qaz hasilatı ilə məşğuluq və konfransda iştirak digər operatorların təkliflərini öyrənmək, buradakı layihələrimizin reallaşdırılması üçün faydalı ola biləcək texnologiyalarla tanış olmaq baxımından bizim üçün yaxşı fürsətdir. Bu gün “Total” şirkətinin nümayəndələrinin çıxışı bizim üçün xüsusilə maraqlı olub, konfransın ikinci günü isə səbirsizliklə “BP” mütəxəssislərinin çıxışını gözləyirik.
AZ
EN
RU
ZH
