"Təqdirəlayiqdir ki, qlobal çağırışa çevrilmiş dekarbonizasiya, “yaşıl enerji” növlərinin artırılması, habelə əlverişli və təhlükəsiz enerji təchizatı kimi məsələlər builki Enerji Həftəsində dialoqun əsas gündəliyini təşkil edir. Eyni zamanda, “Bakı Enerji Forumu” enerji sektorunun əsas tədbiri statusu qazanmış Xəzər Neft və Qaz Konfransının ənənələrini davam etdirməklə yanaşı, gündəliyini yeni enerji seqmentləri ilə də genişləndirmişdir".

“Bakı Enerji Həftəsi” 27-ci Beynəlxalq “Xəzər Neft və Qaz” sərgisi, “Bakı Enerji Forumu” dünyanın müxtəlif ölkələrini təmsil edən hökumət nümayəndələri, enerji şirkətləri və mütəxəssisləri ilə birgə yeni investisiya imkanlarının, əməkdaşlıq təkliflərinin müzakirə meydanı olacaq. Qarşılıqlı faydalı əməkdaşlığın yeni layihələrlə davamına yol açmaqla gələcəkdə də ölkələrimizin inkişafına töhfə verəcək.

“Bakı Enerji Həftəsi” çərçivəsində təşkil olunan tədbirlər bütün iştirakçılar arasında həqiqi qarşılıqlı anlaşma mühiti yaradır və geniş iqtisadi əlaqələrimiz üçün yeni üfüqlər açır. Builki tədbirlərə yüzlərlə iştirakçının qatılması tədbirimizə artan marağın əyani göstəricisidir.
İnanıram ki, “Bakı Enerji Həftəsi” dünyada enerji sahəsində gedən proseslər fonunda səmərəli əməkdaşlığa öz töhfəsini verəcək və yeni əməkdaşlıqların formalaşması baxımından mühüm platforma olduğunu bir daha sübut edəcək.

"Mən Bakıya üçüncü dəfədir ki, əməkdaşlıqla bağlı danışıqlar aparmaq üçün gəlirəm. Mən Bakı Enerji Həftəsinin açılış mərasimində və Bakı Enerji Forumunun ilk günündə məruzəçi kimi də iştirak etmişəm.

Bakı Enerji Həftəsi bizim üçün çox mühüm hadisədir, çünki biz müxtəlif mənbələrdən, o cümlədən Azərbaycandan karbohidrogen almaqla maraqlanırıq".

"Forumun əla şəkildə təşkil olduğuna görə təşəkkürümü bildirmək istəyirəm. Düşünürəm ki, tədbir əla təşkil olunub! Sərgini də ziyarət edə bildim. Pavilyonların gözəl infrastrukturunu, eləcə də Azərbaycan Prezidentini dinləmək şərəfinə nail olduğumuz möhtəşəm açılış mərasimini də qeyd etmək istərdim.

Fvropa Kommisiyası üçün davam edən forum böyük əhəmiyyət kəsb edir, çünki hazırda biz enerji mənbələrimizi şaxələndirmək istəyirik və Azərbaycan bu məsələdə əsas tərəfdaşlardan biridir".

"Mən bu tədbirin təşkilini yüksək qiymətləndirə bilərəm və qeyd etmək istəyirəm ki, biz çox məmnunuq, hər şey mükəmməl təşkil olunub, hər şey rəvan və yaxşı keçdi. Forumda iştirak müxtəlif ölkələrinin nazirləri ilə, o cümlədən Azərbaycan  Respublikasının naziri ilə ünsiyyəti asanlaşdırmaq baxımından çox yaxşıdır. Bu gün onunla görüşdük. Bu baxımdan tədbirdə iştirakımızı səmərəli adlandıra bilərik.

Mən panellərdən birində iştirak edə bildim, burada çox düzgün sual verildi: biz gələcəyi necə qarşılayacağıq, enerji keçidi necə həyata keçiriləcək. Düşünürəm ki, mövzu diqqətlə düşünülmüş və düzgün seçilmişdir".