Federiko Ermoli,
“Snam” şirkətində biznesin inkişafı və xarici fəaliyyət üzrə direktor
- Hansı mühüm tədbir həm regionun, həm də Avropanın gələcəyi baxımından həlledici xarakter daşıyan ciddi tapşırıqların müzakirə və həlli üçün sənayenin aparıcı iştirakçılarını bir araya gətirmək iqtidarındadır? Şübhəsiz ki, bu gün bu vəzifəni “Caspian Oil & Gas 2016” konfransı öz üzərinə götürüb. Forumun iştirakçıları kimi, biz bunu yaxşı dərk edir və Xəzər regionu, eləcə də Avropa üçün faydalı əməkdaşlıq məsələlərini yüksək qiymətləndiririk.
İtaliyada infrastruktur layihələrə təxminən 13 milyard avro dəyərində investisiya yatırmış nəhəng şirkət kimi, “Snam” Avropanın digər ölkələrində də fəaliyyət göstərir. Həmçinin, biz “TAP” boru kəmərinin tikintisi çərçivəsində də fəaliyyət göstərməyə başlayırıq. Bizim şirkət enerji resursları üzrə marşrut və mənbələrin diversifikasiyası məqsədi ilə Cənub Qaz qovşağının inkişafında son dərəcə maraqlıdır.
Bizi daha çox narahat edən məsələlər arasında bu sahədə təklif-tələb nisbətini tarazlaşdırmaq üçün neft hasil edən şirkətlərin strategiyası ilə enerji resurslarını satın alan ölkələrin tələb və gözləntiləri arasında uyğunluğun təmin olunmasıdır.
AZ
EN
RU
ZH
