Şirkətimizin və mənim şəxsi nöqteyi-nəzərimdən Azərbaycanın bərpa olunan enerjiyə və regionun inkişafına diqqət yetirməklə yaşadığı keçid dövründə xüsusi nəsə var. Buna görə də, şirkətlərə daha yaxşı və təhlükəsiz qərarlar qəbul etməyə kömək edən bir proqram təminatçısı kimi bizim üçün bu sahədə tərəqqini görmək həqiqətən maraqlıdır. Bu tədbirə sponsorluq etməyimizin səbəbi tərəfdaşların və konfransların seçiminə çox ciddi yanaşmağımızdadır, çünki biz eyni anda hər yerdə ola bilmərik. Buna görə də biz, birincisi, öz dəyərlərimizə və baxışımıza uyğun gələn, ikincisi isə hörmət etdiyimiz insanlara və şirkətlərə platforma təklif edən konfransları seçirik. Bizim burada çoxlu müştərilərimiz var və dediyim kimi, bu region bizim üçün həqiqətən cəlbedicidir. Biz Azərbaycanın “yaşıl enerji” istehsalının yaxşılaşdırılması istiqamətində atdığı addımları dəstəkləyirik.
Bu tədbirin iştirakçılarına gəlincə, deməliyəm ki, səviyyə inanılmaz dərəcədə yüksəkdir. Düşünürəm ki, söhbətlər çox səmimi və həqiqətən də yüksək səviyyədə keçir. İndiyədək baş tutan müzakirələrdən çox həzz aldım.
Müzakirə olunan mövzular “yaşıl enerji”yə keçidi və dayanıqlı inkişafı necə dəstəklədiyimiz, eyni zamanda texnologiyalardan şirkətləri və ölkələri xüsusən də süni intellektin müzakirəsi mövzusunda daha yaxşı qərarlar qəbul etmək üçün həqiqətən dəstəkləyə biləcək şəkildə necə istifadə etdiyimizin ahəngidir: hamı süni intellekt istəyir, lakin şirkətlər hələ də süni intellektlə necə işləməli olduqlarını müəyyən etməyə çalışır. Buna görə də, mövzulardan biri bunu ağıllı şəkildə etdiyimizə əmin olmaq və təşkilatlara bu yeni texnologiyaların tətbiqi üçün zəruri addımları atmaqda dəstək verməkdir.
Bu Forumun auditoriyasına çatdırmaq istədiyim əsas ismarış ondan ibarətdir ki, biz getdikcə daha qabaqcıl texnoloji innovasiyaya keçid edərkən insanları və onun arxasında duran insan zəkasını unutmamalıyıq, buna görə də biz insan bacarıqlarını texnologiya ilə necə birləşdirə biləcəyimizi başa düşmək üçün daim əməkdaşlarımız, rəhbərlərimiz və insanlarımızla danışmalıyıq.
İnanıram ki, bu tədbir neft-qaz sənayesinin bəzi aktual məsələlərin həllinə müsbət təsir göstərmək gücünə malikdir, çünki istər siyasət sahəsində, istərsə də şirkətləri təmsil edən yüksək vəzifəli şəxslər arasında açıq söhbətin dəstəkləndiyi istənilən mühit, məncə, həqiqətən, müxtəlif nəzər nöqtələrini anlamağa və bir araya gəlməyə kömək edir. Düşünürəm ki, hazırda enerji sektorunda hansı istiqamətdə irəlilədiyimizə diqqət yetirsəniz görərsiniz ki, biz transformasiya etməliyik və daha çox çalışmalıyıq. Düşünürəm ki, burada təmsil olunan təşkilatlar və ölkələr bunu başa düşür.
Mən konfranslarda çox iştirak edirəm və bu Forumun faydalı olduğunu düşünürəm. Burada aparılan müzakirələr əsasında deyə bilərəm ki, biz bu cür müzakirələri nə qədər çox aparsaq, bir o qədər çox yüksək səviyyədə bir araya gəlib təkcə ölkələr kimi deyil, bütöv bir dünya olaraq hara gedə biləcəyimizi danışa bilərik. Düşünürəm ki, bu, həmişə faydalıdır və indiyə qədər ünsiyyətdə olduğum hər kəs burada iştirak etməkdən son dərəcə məmnun olduğunu bildirib. Növbəti il konfransda mütləq iştirak edəcəyəm.
Mişel Tol
Direktor müavini
“Wolters Kluwer – Enablon”
AZ
EN
RU
ZH
